Ashtu si parashikohej, Arthur ka zbarkuar në Torino në mbrëmje (rrëth orës 1 mbërritja në aeroportin e Caselle, menjëherë pas 2-2 në Vigo ku luajti pak minuta) sepse sot futet në proces shkëmbimi me Pjanic, operacion i përcaktuar tashmë në detaje mes Juventus e Barcelonës. Sot janë programuar vizitat mjekësore në Itali për të dy: braziliani me mjekët e bardhezinj, boshnjaku me ata katalanas, përfaqësuar nga një koleg që ka shoqëruar Arthur në këtë udhëtim.
Nga pikëpamja ekonomike kuadri ishte përcaktuar: Pjanic i vlerësuar 60 milionë, Arthur 70+5 bonus kështu që bardhezinjtë do të paguajnë diferencën. Kontaktet në orët e fundit ishin të rëndësishme për të zgjidhur detajet e fundit, ndër të cilat pasojat në rast dëmtimi të njërit prej lojtarëve nga këtu në fund të sezonit. Sidoqoftë , tratativa duhet mbyllur brenda të martës për cështje të lidhura me bilancet respektive.
Arthur është shoqëruar nga avokati Vicente Forés, nga i ati Aìlton, nga i vëllai Paulo Henrique e nga ish-drejtori sportiv katalanas Robert Fernàndez, që kishte kuruar kalimin e tij edhe nga Gremio tek Barcellona. Vizitat mjekësore të Pjanic do të zhvillohen në Torino për shkak të limitimit të fluturimeve për në Barcelonë për shkak të pandemisë.
