Në një tubim në 15-vjetorit e themelimit të Lëvizjes Vetëvendosje, lideri i saj, Albin Kurti thotë se 6 tetori ndryshoi të ardhmen e vendit, por qeverisjen e mirë e ndalën atë që e kanë kapur shtetin.
“Qeverisja e mirë u ndërpre sepse ata që e kanë kapur shtetin nga të gjitha anët, u kapën bashkë kundër qeverisjes së mirë. Ju ishit dëshmitarë kur presidenti i zgjedhur me vota të kontrabanduara, u vërsul me gjykata dhe të gjitha mjetet kundër qeverisjes së mirë.
Natyrisht ai nuk i gjen bashkëpunëtorë te LVV-ja, por i gjeti te Lidhja Demokratike, udhëheqja e së cilës e braktisi qeverisjen e mirë dhe qytetarët që i premtoi një qeveri të ndryshimit. Tani të gjithë janë bashkë në një qeveri koti, që kumbar ka presidentin e PDK-së”, - tha Kurti i cili shtoi se së shpejti Vetëvendosje do të ketë edhe degën e saj në Maqedoninë e Veriut pas asaj të hapur në Shqipëri. ©LAPSI.al
