Gjykata ka shfuqizuar urdhrin e Drejtorit të Përgjithshëm të Burgjeve, Agim Ismailit për Avdylajt, vendimi u mor nga gjyqtare Migena Laska.
Atyre u është gjetur një aparat celular në qeli dhe drejtori i burgut 313 ka vendosur që të ndëshkohen në regjim të posaçëm për tre muaj.
Por ndërsa drejtori i 313 ka vendosur masën ndaj të pesë të paraburgosurve për të qëndruar në regjim të posaçëm me afat një muaj, njëherësh disa orë më vonë numri 1 i burgjeve e ka rënduar dorën dhe ka kërkuar burg brenda burgut me afatin e dy muajve.
Në këtë mënyrë, të dënuarve u janë dhënë dy masa ku akuzoheshin se kishin goditur edhe një oficer policie, raporton Top Channel.
Avokatët e tyre gjatë gjyqit që nisi në orën 14:00 kërkuan që të shikohen kamerat nga ku rezultoj se asnjëri prej tyre nuk e kishte goditur oficerin e policisë.
Personat që akuzoheshin ishin, Altin Avdylaj, Astrit Avdylaj, Hakri Seferi, Saimit Gjepalaj dhe shtetasi italian Giovani Di Cosimo./ TCH
