Usain Bolt, medaljer i artë olimpik tetë herë, mbajtës i rekordeve botërore dhe njeriu më i shpejtë në histori, sapo i shtoi vetes një titull të ri: babi. E dashura për shumë kohë e sprinterit, Kasi Bennett, lindi një vajzë foshnje, sipas asaj që ka bërë të ditur kryeministrit xhamajkan Andreë Holness media sociale dhe dy gazetat kryesore të Xhamajkës.
Janarin e kaluar, sprinteri kishte lajmëruar ngjarjen e bukur në rrjetet e tij sociale: "Po mbërrin një mbret ose një mbretëreshë", ka shkruar. Tani është e qartë se është një mbretëreshë, që mund të bëhet vajza më e shpejtë e planetit, duke iu referuar deklaratës së Bolt në shkurt: "Kjo do të jetë dicka e vështirë për fëmijën tim," - tha ai gjatë fundjavës Super Boël në Miami. "Nëse ata duan ta bëjnë këtë, unë jam mirë me të. Por fillimisht do të them mos e bëj, sepse unë e di presionin që do të vijë së bashku.”
Bolt, 33 vjeç, ka thënë se shpreson të ketë tre fëmijë: "Jam i gëzuar, por jam nervoz," tha ai. "Unë kam qenë gjithmonë një djalë argëtues, kam qenë gjithmonë ai person. Por a duhet të jem unë ai person dhe ta bëj të dashurën time të jetë djalë i keq? Këto janë pyetjet që unë i bëj vetes, kështu që do të shohim se çfarë do të ndodhë".
Bolt, i cili mban rekorde botërore në 100m (9.58 sekonda) dhe 200m (19.19), u tërhoq nga sporti pas Kampionatit Botëror 2017. Lojërat Olimpike të Tokios në 2021 do të jenë Lojërat e para pa legjendën xhamajkane që nga Lojërat e Sidneit 2000.
