Dy ish-futbollistë të mëdhenj që bisedojnë me njërin si miq të vjetër, edhe pse gjithmonë në skuadra rivale: Alessandro Del Piero e Ronaldo kanë qenë protagonistë në një lidhje direkte në Instagram. Mes shumë kujtimeve të ish-lojtarëve të Juve e Inter që janë sfiduar në Serie A nga 1997 në 2002, kur Fenomeni ishte tek Inter dhe në sezonin 2007-2008, me brazilianin tek Milan.
Kapiteni i Juventus i zbuloi Ronaldos cili ishte reagimi i tij kur mësoi se Fenomeno firmosi për Inter, por jo më parë se të kujtonte golin e brazilianit me Compostela. “Më ka frymëzuar, më hapi një botë të re. Kur firmose për Inter thashë: “Po këta janë të cmendur që e lënë të ikë” e natyrisht u tërbova se po shkoje tek Inter”.
Natyrisht nuk mund të mungonte apisodi i famshëm i penalltisë së mohuar në përplasjen me Iulianon në atë Juve-Inter plot polemika ("Juventus nuk kishte nevojë për ndihma"), por edhe 5 maji i 2002 e humbjes së Inter në Olimpico kundër Lazio që i kushtoi titullin. “E humbëm ne ndeshjen, asnjë ndërhyrje, por ishte një javë shumë e cuditshme. Flitej për Nesta tek Inter që ishte e mbyllur, shumë gjëra të tjera, shkuam të relaksuar në fushë e Lazio na ndëshkoi. Është një plagë, e cdo vit më bëjnë tag në Instagram: unë që qaj në 5 maj, sa inat”.
Ronaldo bën pastaj klasifikimin e tij të atyre që duhej por nuk fituan dot kurrë Topin e Artë: “Për mua ti, Totti, Maldini e Raul duhet ta fitonit. Më bëri ta mendoj Cannavaro javën e kaluar. Tallej me ty, por me respekt të madh. Edhe Roberto Carlos që mbërriti dy herë iu dyti pas meje e meritonte”.
