Gjithnjë shqetësimi ka qenë në cfarë gjendje fizike do të ishin lojtarët në përfundim të izolimit, kur të riktheheshin në fushë. Një përgjigje e japin të dhënat 'e vjedhura' nga Barcelona, që i referohet vetëm lojtarëve blaugrana, por që mund të krijojnë një ide për të gjithë lojtarët që në dy muaj janë stërvitur vetëm në kushte shtëpie. Të dhënat janë publikuar nga e përditshmja spanjolle As, për ditën e parë të rikthimit në stërvitje të Messi e të tjerëve, pas marsit e prillit në shtëpi.
Kështu, në tentativë për të kuptuar cila mund të jetë forma e përgjithshme e një skuadre në momentin e rifillimit të stërvitjeve në fushë, mbërrin edhe vlerësimi i parë: rezultatet janë në fakt më të mira se ato që përgatitërit atletikë të Barcelonës kishin frikë. Gjendja e formës së organikës së katalanasve konsiderohet në 40/45 perqind të nivelit ideal: e kënaqshme pas dy muaj mbyllje. Kjo do të thotë se stërvitja në shtëpi ka ruajtur një farë forme.
Lajme të mira edhe në lidhje me shtimin e peshës e masës dhjamore: lojtarët blaugrana kanë shtuar, mesatarisht, 0,5-1,3 kg, kur limiti që ishte vendosur ishte 2 kg. Masa dhjamore është shtuar me mesatarisht 0,3/0,7 perqind, me një cati të pranueshme të vendosur në 1%. Ulja e gjendjes aerobike është bërë në rreth 40%, humbja e elasticitetit e forca muskulare rreth 30%: edhe në këtë rast të dhënat janë të pranueshme dhe përllogarisin një formë totale prej rreth 45% të asaj ideale.
