Kur merkato e futbollit të rihapet, Paul Pogba do të jetë sigurisht një nga pjesët më të cmuara në Europë. Manchester United ka vendosur në fakt të mos e ushtrojë opsionin e rinovimit automatik të mesfushorit francez, kontrata e të cilit mbetet në skadencë në 2021. Kampioni i botës me Francën është kështu zyrtarisht në shitje dhe pretendentët që shqetësojnë Juventus, në pole position për ta kthyer në Torino, nuk mungojnë, duke filluar nga Real Madrid, deri tek PSG, me një surprizë të re: Inter.
Pogba nuk e ka fshehur kurrë dashurinë për Juventus e vullnetin për tu kthyer bardhezi, por kushtet ekonomike për të mbërritur tek mesfushori francez në këtë moment nuk i buzëqeshin shoqërisë torineze. Real Madrid e Psg janë në avantazh në garën për lojtarin, por sipas asaj që bën të ditur Tuttosport - edhe Inter dëshiron të rrëmbejë një akord të papritur me Mino Raiola.
Shoqëria zikaltër ka kërkuar informacione mbi situatën e lojtarit që, tani që United sipas Manchester Evening News ka vendosur të mos e aktivizojë rinovimin automatik deri në 2022, është në shitje.
