I ftuar në "Debat Plus" në RTV Dukagjini, kryeministri në detyrë i Kosovës Albin Kurti, teksa foli mbi situatën me Koronavirusin dhe krizën politike në vend nuk la pa 'ngacmuar' edhe presidentin Hashim Thaçi si dhe kryeministrin e Shqipërisë Edi Rama.
Duke iu referuar zgjedhjeve të fundit në SHBA dhe garës presidenciale Trump-Clinton, Kurti i quajti dyshen Thaçi-Rama si ekstremistë që përfshihen në gara elektorale të shteteve të tjera, për më tepër mike dhe aleate.
"Presidenti doli dhe e mbështeti all-in zonjën Clinton, all in. Kur fitoi presidenti Trump e kapi një lloj paniku. Edhe në Prishtinë edhe në Tiranë preferenca ka qenë e qartë. All in kanë qenë për zonjën Clitnon që nuk fitoi, tani po shkojnë all in për presidentin Trump. Këta janë ekstremista. Nuk ndërtohen raportet me SHBA duke hyrë all in për një kandidat", tha Kurti.
