Mjeku i spitalit të Durrësit Beqir Gelaj që u infektua nga një paciente e moshuar, e cila ishte viktima e parë e COVID-19 në Shqipëri ka treguar se si e mori virusin. Gelaj u shpreh në një intervistë për emisionin “Open” se ai kishte maskë dhe doreza, por sërish u kontaminua, pasi nuk kishte veshje speciale.
“Kam qenë mjek roje, pacientja është rënduar atë natë. Erdhe pse kam qenë i pajisur me dorezë dhe maska, unë u kontaminova. Përgjigja për covid-19 nuk ishte ardhur akoma, por ne dyshonim. Kam kontaktuar për përgjigjen e tamponit. Kam qenë me maskë të thjeshtë dhe doreza, nuk e dinim 100% që pacientja ishte me COVID-19. Kur e mësova që isha pozitiv u izolova në shtëpi bashkë me gruan, po s’kam pasur shqetësime të mëdha. Vetëm kollë dhe dhimbje trupi” – tha mjeku. ©LAPSI.al
