Është përkeqësuar mesa duket gjendja e kryeministrit britanik Boris Johnson i prekur nga koronavirusi. BBC shkruan se orët e fundit ai ka kaluar në terapi intensive.
Sipas të njëjtave burime ai i ka kërkuar ministrit të jashtëm Dominic Raab që ta zëvendësojë në detyrën e tij nëse do të jetë e nevojshme. Lajmi u konfirmua zyrtarisht nga një zëdhënës i qeverisë britanike.
Johnson u shtrua një ditë më parë në spitalin “St Thomas” të Londrës, siç u tha, për të bërë disa analiza më shumë, por mesa duket gjendja ka qenë më serioze. ©LAPSI.al
