Ish-rekordmeni botëror i maratonës, e medalja e bronxtë në Olimpiadë në Londër 2012, Wilson Kipsang, është arrestuar për shkak se ka thyer shtatrrethimin e vendosur në autoritetet në Kenia, nga ora 19 deri në 5 të ditës pasardhëse, si pjesë e masave kundër pandemisë së Covid-19. 38 vjecari është kapur në një bar duke pirë alkol së bashku me 20 të tjerë, mes të cilëve një politikan vendas.
Të gjithë janë marrë nga forcat e rendit e nuk janë lëshuar akoma. Ngjarja ka ndodhur në Iten, lokalitet në Kenya shumë i frekuentuar nga atletë që duan të stërviten në lartësi, duke qenë se ndodhet 2500 metra mbi nivelin e detit. Është një 2020 vërtetë për tu harruar për kampionin kenian,që në janar është pezulluar nga Uniteti i Integritetit të Atletikës së Lehtë, që i shtroi dy "aktakuza": i pari ishte shkelje e rregullave për disponueshmërinë e kontrolleve (vendndodhjes), dhe e dyta, ndoshta më serioze, për shkak se u përpoq për të manipuluar (nëse nuk e manipuloi me të vërtetë) dokumentacionin antidoping.
Kipsang arriti të vendosë rekordin botëror në kohën 2:03:23 gjatë Maratonës së Berlinit 2013, një rekord që mbeti për një vit i paarritur deri kur bashkatdhetari Dennis Kimetto e kaloi atë në 2:02:57 në Berlin. Një tjetër Kenyan, Eliud Kipchoge, e përmirësoi atë në 2:01:39 në Maratonën e Berlinit 2018.
