Kryeministri Edi Rama ka paralajmëruar qytetarët se nga dita e nesërme nuk do të ketë më këshillime, por do të aplikohen gjobat për ata që shkelin leje-daljet.
Rama shkruan në rrjet se aplikacioni për leje-daljet e vetëm një personi nga familja për pazar është plotësisht funksional dhe nga nesër për shkelësit e ligjit nuk ka më këshillime.
Para dy ditësh Qeveria ndryshoi masat në kuadrin e mospërhapjes së Covid-19, duke detyruar qytetarët që të aplikojnë për leje, maksimumi 1 orëshe në fashën e lejuar të lëvizjes, nga ora 05:00-13:00.
