Ambasadori i BE-së, Luigi Soreca, përmes një postimi në Twitter, bën me dije se ka mbajtur një takim online me kreun e opozitës, Lulzim Basha. Soreca shkruan se u bisedua për çeljen e negociatave, mbështetjen e BE-së për luftën ndaj Covid19 dhe procesin e rindërtimit pas tërmetit të nëntorit.
"Një bisedë e mirë me Lulzim Bashën ditën e sotme në lidhje vendimin e nisjeve të bisedimeve javën e kaluar që dha Këshilli Evropian. Ne vlerësuar rëndësinë e reformave të bëra nga Shqipëria për të marrë ditën jeshile dhe ramë dakord se duhet vazhduar në këtë rrugë duke pasur parasysh konferencën e parë ndërqeveritare. Kjo përpjekje e gjithë shoqërisë ka nevojë për bashkëpunimin dhe monitorimin e opozitës. Gjithashtu folëm për mbështetjen e BE-së kundrejt Shqipërisë në luftën ndaj Covid-19 dhe në përpjekjet për rindërtimin e vendit pas tërmetit të nëntorit", shkreuan Soreca.
Ky komunikim mes tyre vjen disa ditë pasi ambasadori i BE-së fshiu postimin në Twitter të bisedës mes Bashës dhe komisionerit për zgjerimin. Ky veprim i Soreces ngjalli edhe reagime të ashpra nga ish-kryeministri Berisha, i cili e cilësoi diplomatin italian si viktimë të narkoshteti të Edi Ramës.
