Urdhri i qeverisë se kush vjen nga jashtë do të futet në karantinë nuk vlen vetëm për qytetarët e thjeshtë por edhe zyrtarët e lartë të shtetit.Burimet bëjnë me dije se Ministri për Europën dhe Punët e Jashtme Gent Cakaj është futur në vetëkarantinim pas kthimit nga Italia.
Ministri i Jashtëm në detyrë Gent Cakaj, pas kthimit nga Italia, po qëndron në vetëkarantinim në banesën e tij.
Pasi sipas urdhërit të Ministrisë së Shëndetësisë çdo person që udhëton apo kthehet nga vendet e zonës së kuqe duhet të vetëizolohet për 14 ditë.
Të dielën Ministri i Jashtëm në detyrë përcolli 30 mjekët dhe infermierët drejt Romës dhe në kthim riatdhesoi nga Italia 120 shqiptarë të cilët kishin mbetur të bllokuar për shkak të mbylljes së kufijve.
RTV Ora ka mësuar nga burimet se Gent Cakaj vijon punën online me stafin e tij./ Ora
