Juventus është në izolim e në heshtje. Shoqëria bardhezi, menjëherë pas pozitivitetit me koronavirus të Daniele Rugani, ka zgjedhur natyrisht linjën e karantinës: nga presidenti Agnelli, tek lojtarët, e deri edhe stafi e punonjësit, në total 121 persona të mbyllur në banesat e tyre ose, në rastin e disa lojtarëve, në J-Hotel. Rinisja e punës është fiksuar për në 25 mars por në këtë moment është vetëm një datë që pret zhvillimin e situatës.
Në ditët e ardhshme, duke patur në llogari kohët e inkubacionit të virusit, do të bëhen në shtëpi tamponet për një pasqyrë të përgjithshme të situatës. Por, bën të ditur shoqëria, për cështje privatësie nuk do të bëhet e ditur se kush do ti nënshtrohet kontrollit: vetëm në rast të rezultimit pozitiv ndaj koronavirus do të bëhen komunikime zyrtare.
