Amerikano latinët njihen për karakterin e nxehtë dhe trazirat që shkaktojnë sidomos në përplasjet mes rivalëve, por ajo që ndodhi në Kupën Libertadores është shumë pranë një rekordi, të paktën përsa i përket agresivitetit në fushën e lojës.
Nga minuta e 88' në atë të 102' (rekuperim i detyrueshëm duke parë cfarë ndodhi në fund) u ndëshkuan me karton të kuq Luciano, Pepe, Henrique e Miranda për skuadrën vendase e Edenilson, Moises, Cuesta e Praxedes për miqtë.
Barazimi mes Gremio e Internacional, sfida për raundin e dytë të grupit E të Kupës Libertadores, nuk do të kujtohet për emocionet e vecanta apo rezultatin, duke parë se nuk u shënua asnjë gol, por për 14 minutat e e fundit të një cmendurie të lojtarëve, mes sherrit e shtyrjeve, që arbitri argjentinas Rapallini ka përmbajtur me vështirësi duke u detyruar të tregojë tetë herë kartonin e kuq.
https://www.youtube.com/watch?v=wr4Dj7duKOE
