Situata e pandemisë për emergjencën e koronavirus vazhdon të mbylle dyert e aktiviteteve sportive. Kështu, pas qeverisë italiane këtë masa e ndërmerr edhe ajo franceze. Lëvizja dukej e paevitueshme, por tani erdhi edhe njoftimi zyrtar. FFF (Federata franceze e Futbollit) pezullon të gjithë kompeticionet nën juridiksionin e saj me efekt të menjëhershëm. Ndërhrpreja do të nisë duke filluar nga dita e sotme.
Pas këtij vendimi ka ardhur edhe komunikata e presidentit Noel Le Graet: “Njoftimi i Presidentit të Republikës e ka ndërgjegjësuar FFF të marrë përsipër përgjegjësitë e saj për të kontribuuar me sa mundësi ka për të përballuar krizën shëndetësore që po përfshin vendin tonë. Si pasojë, njoftoj se nga mbrëmja e sotme do të ndërpriten të gjithë aktivitetet e kompeticionet federale snë të gjithë territorin. Të gjithë kampionatet amatore, meshkuj e femra, të të gjithë kategorive e moshave, stërvitjet e aktivitetet e shkollave të futbollit do të ndërpriten duke nisur nga 13 marsi deri në një urdhër të ri. Do të rifillojnë kur kushtet shëndetësore të na lejojnë”.
