Pep Guardiola e Manchester City ngrenë një tjetër titull nën qiellin e Wembley: bëhet fjalë për Carabao Cup, Kupën e Ligës angleze që të tretin vit radhazi shkon për Citizens. Finalja kundër Aston Villa përfundoi 2-1, me Aguero që shënoi avantazhin me një kthesë me të djathtën në të 20' e Rodri që dyfishoi me kokë në të 30'. Samata rihapi ndeshjen në të 41', por rezultati nuk ndryshoi më, pavarësisht shtyllës së Engels në fund.
Janë shtatë në histori e tre radhazi (këto të fundit të gjitha nën shenjën e Guardiola): Manchester City fiton përsëri Kupën e Ligës angleze dhe e bën në përfundim të një finale emocionuese në Wembley, me surprizuesit Aston Villa që e panë veten shpejt në disaavantazhin e dy golave, por që gjetën mënyrën për të frikësuar kampionët e Anglisë, që në fërshëllimën e trefishtë festuan jo vetëm për fitoren, por edhe për rrezikun që kaluan.
Villans dëshironin shumë të vazhdonin përrallën e tyre, pasi kishin eleminuar më parë Liverpool e Leicester City, por këtë herë befasisë i shkuan vetëm pranë me kupën që edhe këtë vit shkoi për Guardiolën e të tijtë.
https://www.youtube.com/watch?v=PM0BS0XHAyw
