Kukësi-Tirana mund të ishte vitrinë e futbollit në Superiore me dy skuadrat kryesuese që luftuan 90 minuta për vendin e parë të klasifikimit, por skena që luajtën dy tifozeritë në momentet e pësimit të golit ishte e shëmtuar, duke shkulur stolat dhe duke i hedhur drejt fushës. Janë dëmtuar më shumë se 150 stola në të gjithë sektorët e stadiumit, ndërsa pas ndeshjes ka pasur disa shoqërime në polici. Disa prej tyre, të identifikuar nga kamerat e sigurisë, janë proceduar penalisht.
Menjëherë pas avantazhit provizor të Kukësit, tifozët bardheblu kanë nisur shkatërrimin e stolave, me copat që fluturuan drejt fushës. Madje ndeshje nuk nisi, me sinjalizimin e arbitrit Hamiti pa u spastruar fusha nga mbetjet. Natyrisht Tirana për këtë do të gjobitet, por në kohën kur 'Fanatics' i kujtojnë presidentit Refik Halili borxhin ende të pashlyer që rëndën mbi klubin, duhet të paktën maksimumin, për të mos e rënduar me veprime të tilla.
E njëjta gjë vlen edhe për tifozët e Kukësit, në të dy rastet kur shënoi Tirana, që mori edhe fitoren 1-2 e bashkë me të edhe kreun e klasifikimit. Stola, pjesë të tyre e sende të forta fluturojnë nga sektori i tifozëve të Bluve, që do ti shtojnë faturës psikologjike të humbjes, edhe atë financiare që do të mbërrijë nga Disiplina.
