Momenti i mirë i Lazio po i përfshin të gjithë, lojtarë e ambjent. E natyrisht nuk mund të mungonte muza e klubit kryeqytetas Anna Falchi. E ftuar në transmetimin Lazialità në Tv, aktorja, moderatorja e ish-modelja ka folur për bardhekaltrit: “Përse Lazio? Instiktivisht, e kaltra ka qenë gjithnjë ngjyra ime e preferuar. Simpatizoja vetëm këtë skuadër, pastaj u kthye në një pasion të vërtetë. Nata e titullit? Një emocion i madh, një publik kështu nuk e kisha parë kurrë”.
“Immobile apo Signori? Jam për aktualitetin, Signorin e kam parë pak, kur po mbyllte karrierën. Një golashënues i madh, ka fituar gjithcka nuk diskutohet. E konsideroj një flamur të bardhekaltërve, por jam për Ciro Immobile. Lojtari që më ka impresionuar më shumë? Nga Lazio e titullit do ti zgjidhja të gjithë. Parolo? Kam luajtur tenis me të, është një siguri për skuadrën tonë, një lojtar i eksperiencës. Strakosha? Del pak. Një telefonatë Lotitos? Nuk dëgjon askënd, nuk është as i ndjeshëm ndaj imazhit femëror”.
