Sekretari i Përgjithshëm i Partisë Demokratike, Gazment Bardhi ka reaguar pas deklaratës së bërë nga kryebashkiaku i Vorës, Agim Kajmaku, ku mohonte akuzat e ngritura ndaj tij.
Bardhi thekson përmes një postimi në “Facebook” se Agim Kajmaku, ka përdorur emrin Jorgo Toto në Greqi, ku është arrestuar dhe është në kërkim.
Në reagimin e tij, Bardhi e pyet Kajmakun nëse mund të futet apo jo në Greqi me emrin Jorgo Toto. Po ashtu, Sekretari i Përgjithshëm i PD shprehet se shumë shpejtë Kajmaku do të përballet me drejtësinë dhe do të shkojë në burg.
Reagimi i Bardhit
Jorgo Toto i Vorës po tenton t’i bëjë shqiptarët për budallenj. Tregon pasaportën e Agim Kajmakut, në vend që të tregojë pasaportën e Jorgo Totos, emër me të cilin është arrestuar dhe është në kërkim në Greqi.
Si Agim Kajmaku ke hyrë dhe mund të hysh prapë në Greqi!
Pyetja është, si Jorgo Toto a hyn dot?
Jorgo Toto me foton në TIMS dhe me pasaportën nr. Z 0148497 a je ti?
Që e vërteta do të dalë, për këtë nuk ka asnjë pikë dyshimi! Që ti do të shkosh në burg, edhe këtë mos e dysho! Të ka gënjyer Edi Rama, kur të ka thënë se do të të mbrojë Arta Marku. Më beso! Nuk të ndihmon dot as ajo!
