Partia Demokratike ka publikuar një provë të radhës, që sipas saj vërteton se “Jorgo Toto” i arrestuar në vitin në territorin grek në vitin 2003 për falsifikim monedhash, është pikërisht Agim Kajmaku, i mandatuar si kryebashkiak i Vorës nga zgjedhjet e 30 qershorit.
Në një dalje për mediat, Sekretari i Përgjithshëm i PD-së, Gazment Bardhi, deklaroi se në vendimin e autoriteteve greke shkruhet se "shtetasi i arrestuar për krimin që dënohet me jo më pak se 10 vjet burgim (falsifikim parash), është shtetasi shqiptar Jorgo Toto që posedon pasaportën me nr. Z 0148497.”
“Për këtë arsye të dhënat për amësinë dhe atësinë pasqyrohen ashtu siç deklarohen nga vetë i arrestuari. Jorgo Toto ka pasur më vetë pasaportën e tij dhe ka një numër unik. Në faqen 13 të vendimit të gjykatës greke thuhet se shtetas i arrestuar është shtetasi shqiptar Jorgo Toto që posedon pasaportën me një numër unik.“Kjo është një provë e pakontestueshme që Jorgo Toto i arrestuar në Greqi me pasaportën me nr. Z 0148497, është Jorgo Toto, që ju shikoni në foto, me pasaportën me nr. Z 0148497, dhe që sot mban emrin Agim Kajmaku. Kur një shtetas shqiptar pajiset me pasaportë të dhënat e tij hidhen e njherë në sistemit TIMS ne e disponojmë dhe provojmë në mënyrë të pakundërsueshmë se Jorgo Toto është Agim Kajmaku i dënuar në vitin 2003. Ka qenë posedues ekzaktësisht i pasaportës me të të njëjtin nuëmër kjo është një provë e pakundërshtueshme."- tha Bardhi.
Bardhi theksoi se këtë provë organi i Prokurorisë mund ta verifikojë "brenda një minuti" sepse ka akses të plotë në sistemin TIMS, por, sipas tij, kryeprokurorja Arta Marku ka vendosur të zbatojë “strategjinë e Edi Ramës për të mashtruar opinionin publik”.
“Arta Marku shpëndan lajme që ajo po vepron me shpejtësi dhe i ka kërkuar subjektit nën verifikim që të depozitojë gjurmët e tij daktiloskopike. Kjo është e paligjshme. Sipas ligjit të dekriminalizimit, gjurmët e gishtave nuk i kërkohen personit. Ato merren në sistemin e të dhënave shtetërore biometike të shtetasve shqiptarë. Agim Kajmaku është i pajisur me pasaportë biometike dhe shenjat e tij të gishtave gjenden në sistem. Sipas ligjit ato i kërkohen personit që t’i depozitojë vetëm nëse nuk ndodhen në sistem. Ky nuk është rasti as i Agim Kajmakut, as i Valdrin Pjetrit, sepse që të dy janë në sistem dhe posedojnë një pasaportë biometrike. Akti i paligjshëm i Arta Markut me kërkesën për dhënien e gjurmëve të gishtave, është një lojë e mirëmenduar kriminale, që synon të vonojë dhe të mbrojë kriminelët e pushtetshëm të Edi Ramës”, u shpreh Bardhi.
Lidhur me rastin në fjalë, PD njofton se ka informuar që prej ditës së djeshme të gjithë trupin diplomatik në vend.
