Rusia njoftoi mbrëmjen e së premtes se ka pushtuar qytetin Kostiantynivka në Ukrainën lindore, një pozicion i fortifikuar i ushtrisë ukrainase, në rrugën që të çon në qytetet e fundit të mëdha në Donbas që mbeten ende nën kontrollin e Ukrainës.
"Kostyandinivka është pushtuar plotësisht. Qyteti tani është nën kontrollin tonë të plotë", - u tha gazetarëve zëdhënësi i Kremlinit, Dmitry Peskov, duke shtuar se presidenti rus Vladimir Putin kishte folur me zyrtarë ushtarakë për këtë çështje.
Beteja për qytetin, i cili para luftës kishte një popullsi prej 78 000 banorësh, filloi në fund të vitit 2025, kur trupat ruse filluan të infiltroheshin në qytet. Për muaj të tërë, Rusia i kishte përqendruar përpjekjet e saj atje, në një front më shumë se 1,000 kilometra të gjatë.
Kostyantynivka ndodhet në rrugën që të çon në qytetet e mëdha të Kramatorskut dhe Slovianskut, pushtimi i të cilave është qëllimi kryesor i Kremlinit në Donbas.
Sipas Peskov, Putin shkoi në një qendër komande ushtarake ruse, ku dëgjoi raportin e shtabit të përgjithshëm dhe falënderoi ushtarët rusë. ©LAPSI.al
