I pari që foli për këtë çështje ishte ish-kryeministri Sali Berisha. Në një koment në Facebook ai shkroi se djali i deputetit socialist Spartak Braho është kërcënuar me jetë. Për këtë çështje ka shkuar edhe shqiptarja.com që zbulon se bërcënimi është bërë nga Lajden Kadilli, një personazh mjaft i lakuar në botën e krimit në Durrës.
Ai është shpallur në kërkim policor pasi ka kanosur me armë, Kreshnik Brahon, djalin e deputetit të PS-së. Sipas të njëjtave burime Braho është sulmuar kur ka qenë në shoqërinë e dy fëmijëve të mitur. I gjithë debati ka ndodhur për parkimin poshtë pallatit ku banon Braho, pasi Kadilli i kishte bllokuar me një motor.
Situata është agravuar deri në nxjerrjen e armëve. Kadilli nuk ka qëlluar por i është afruar makinës së Brahos dhe ka thyer xhamin e makinës me qytën e armës. I trembur, Braho është larguar me shpejtësi duke bërë denoncim në policinë e Durrësit. Kadilli është djali i pronarit të një hoteli në zonën e Golemit.
Vetë deputeti Spartak Braho tha për mediat se “ngjarja ishte një provokim dhe personi në fjalë do të përgjigjet para policisë”. ©LAPSI.al
[caption id="" align="alignnone" width="526"]
Lajden Kadilli[/caption]
[caption id="" align="alignnone" width="531"]
Kreshnik Braho[/caption]
