Edi Rama ka zgjedhur të merret personalisht me Ilir Metën në fjalën e tij përgjatë mocionit me debat në Kuvend për çdekretimin e zgjedhjeve të 30 qershorit.
Rama e cilësoi këtë akt, më transgresivin që i është bërë ndonjëherë Shqipërisë.
“Pyes veten çfarë kërkon më shumë Ilir Meta? Kujt i ka bërë më shumë ndere Shqipëria, pasi atë pa mbushur ende 50 vjeç e ka bërë si askënd tjetër edhe kryeministër edhe Kryetar Kuvendi edhe kryeministër. Kujt i janë falur përçarjet, hiletë, skandalet? I është dhënë mundësia që të rilindë i burrëruar, i kthjelluar.." - u shpreh Rama i cili vazhdoi me fjalimin e tij duke e pikturuar Metën si një person që vepron mbi dëshirën e protagonizmit.
"Iliri është mësuar keq. Ta përqeshe fatin e tij. Ta helmojë të mirën e tij duke u bërë protagnoist i një skene Metës nuk i mjafton roli që ka. Jo president të republikës po mbret të të gjithë shqitparëve, trojeve e viseve, prapë se prapë Meta nuk do ndihej mirë. Nuk do qëndronte drejtë." - u shpreh Rama, duke shtuar se shpjegimi për të gjitha absurdet që lidhen me vendimin e presidentit kanë vetëm dy fjalë: Ilir Meta.
©Lapsi.al
