Ministrja e shtetit për Marrëdhëniet me Parlamentin, Elisa Spiropali, gjatë fjalës së saj në seancën e sotme parlamentare ka thënë se presidenti i Republiëks, Ilir Meta, ka shkelur rëndë parimet kushtetuese, duke çdekretuar 30 qershorin si datë të paracaktuar për zgjedhjet lokale.
“Akti i Ilir Metës është një atentat i pastër kushtetues që sulmon Republikën ku cenon rëndë të drejtën e zgjedhjes së shtetasve. Këta janë mësuar të bëjnë me Kushtetutën, ligjin dhe shqiptarët s’i kanë dashur. Më 30 qershor do të përballen me murin e lartë të ligjit ku do të thyejnë hundët.
Ilir Meta shkeli parimin e unitetit kombëtar. Me vendimin e tij, Ilir Meta dëshmoi se mund të nxjerrësh Presidentin nga kulla e LSI-së, por nuk mund të shkulësh LSI-në nga zyrat më të larta të shtetit. Shkeli parimin e sovranitetit të popullit. Presidenti u zgjati mandatin tej kushtetues.”- tha Spiropali.
Nga foltorja e Kuvendit, Spiropali zgjodhi t’u referohej vargjet e Fan Nolit për të sulmuar aktorët kryesorë të opozitës dhe kreun e shtetit, që e akuzoi për ideimin e përplasje civile me “mikun e tij” Sali Berisha.
“Krisi pushka e gjëmoi moti
Kujton austriaku se u bë qiameti,
Nuk është kiamet po është murtanë,
Vjen Kavaja me gjithë Tiranë
Gajret çuna dhe ju faltë Zoti,
se Princ Vidin se zë moti.
Se Princ Vidin se zë moti,
kemi lejnun o prej baroti
Mal mbi mal këndon bilbili
Trim mbi trima Haxhi Qamili
Haxhi baba me vegjëli, qiti vidin me 12 mij.
Kjo lëvizje e cila ngjan kryekëput me këtë, sigurisht që nuk mund të përsëritet.”- recitoi Spiropali.
