Kryeministri Edi Rama ka vijuar fushatën elektorale duke prezantuar të tjerë kandidatë për zgjedhjet lokale. Sot pasdite ishte në qytetin e Cërrikut. Rama përsëriti sërish të njëjtat mesazhe që kemi dëgjuar edhe në takimet e para elektorale.
Gjithë fjalimi i tij ishte një shfryrje ndaj opozitës, për të cilën tha se ajo është e alarmuar nga reforma në drejtësi. Rama u shpreh i vendosur për të mos u tërhequr nga 30 qershori, ndërsa për përgjimet e publikuara nga ‘Bild’ ai nuk tha asgjë.
Megjithatë në portretin e tij shihej qartë mungesa e qetësisë. Përgjimet mes Vangjush Dakos dhe bandës kriminale të Avdylajve që tregonin se si bliheshin votat në Shijak, i kanë dhënë forcë opozitës për kauzën e saj të zgjedhjeve të lira. Ndërsa për qeverinë ‘Rama’ kjo ishte një goditje tjetër e rëndë.
©LAPSI.al
