Sot që në orën 08 30 të mëngjesit media prestigjoze gjermane Der Spiegel i ka kushtuar një arrikull protestës të së shtunës në Tiranë. Ajo citon si burim agjensinë e lajmeve AFP, se "kjo ishte protesta më e madhe që nga fillimi i të ashtuquajturit "Revolucioni i Flamingove" në muajin maj". Madje ajo thekson se nga një çështje ambientale demonstruesit tani kërkojnë dorëheqjen e kryeministrit Rama. Lapsi.al ka përzgjedhur atë pjesë ku nuk ka përsëritje sqaruese per fillesat e protestës.
"Ndërkohë, protestat e përditshme nuk kanë më në qendër vetëm projektin e resortit, por janë kthyer edhe kundër qeverisë shqiptare. Demonstruesit denoncojnë korrupsionin në vend dhe kërkojnë dorëheqjen e kryeministrit Edi Rama.
Në pankartat e protestës të së shtunës lexohej, ndër të tjera: "Shqipëria nuk është në shitje." Disa protestues kërkuan edhe lirimin e 19 demonstruesve, të arrestuar pas përplasjeve të së enjtes.
Të enjten, protestuesit u mblodhën para Parlamentit, duke u përpjekur t'u bllokonin hyrjen deputetëve në godinë. Policia përdori gaz lotsjellës dhe autoblinda me ujë për të shpërndarë turmën.
Nga ana e tyre, demonstruesit hodhën vezë, gurë dhe sende të tjera, duke u përpjekur të çanin kordonët policorë. Sipas autoriteteve, 15 efektivë policie mbetën të plagosur, ndërsa 25 protestues u arrestuan.
LAPSI.AL nga DER SPIEGEL
