Tërmetet e forta në Korçë kanë shkaktuar dëme materiale në disa fshatra, ku u plagosën dhe 4 persona.
Sot në Korçë është mbledhur Shtabi i Emergjencave Civile, për t’iu ardhur në ndihmë banorëve të prekur nga tërmeti. Prefekti Dhori Spirollari, ka deklaruar se 121 shtëpi janë dëmtuar plotësisht në të gjithë Korçën.
“Kemi 121 shtëpi të shkatërruara plotësisht. Në Floq kemi dërguar ekspertë të studimeve sizmologjike. Do të vlerësohet nëse do të rindërtojmë banesa aty ku ishin. Do të vlerësohet dhe mund të bëjmë ndërtime banesash në vende të tjera”, tha ai.
