Kryetari i Partisë Demokratike, Lulzim Basha, u ka bërë thirrje forcave të rendit që janë vendosur në kordonin e sigurisë rreth Kryeministrisë që të hedhin kapelet dhe të bashkohen me qytetarët në protestë.
Basha ka thënë se detyra e policisë është të dëgjojë tubuesit dhe t’i bashkohet thirrjes së tyre për liri. “Ju bëj thirrje vëllezërve dhe motrave të policisë së shtetit, hidheni kapelet, bashkohuni me ne. Rama ik! Dëgjoni mirë mesazhin e popullit. Liri a vdekje, demokraci a vdekje. Kjo betejë do të ketë vetëm një përfundim; ajo do të zgjidhë dilemën të jetë apo të mos jetë Shqipëria evropiane.”- u shpreh Basha në fjalën e mbajtur prej tij.
