Reperja e njohur amerikane, Cardi B, është përballur me reagime të shumta në rrjetet sociale pasi publikoi një video ku shfaq koleksionin e saj të ri të produkteve luksoze nga Chanel, me një vlerë që tejkalon 50 mijë dollarët.
Fituesja e çmimit Grammy ndau në TikTok disa nga blerjet e saj më të fundit, duke nisur me çantën ekskluzive Chanel 25 Mini Lambskin, me vlerë rreth 8.400 dollarë.
“Është çanta më e vështirë për t’u gjetur në Chanel. Pata shumë fat që e mora. Mundohem të mos e përdor shpesh që të mos dëmtohet, sepse është shumë ekskluzive,” tha ajo.
Më pas, Cardi prezantoi një çantë Chanel 25 Hobo prej lëkure jeshile, me një vlerë rreth 10.500 dollarë në tregun e rishitjes, duke theksuar se ngjyra e saj kombinohet lehtësisht me shumë veshje.
Në video nuk munguan as çizmet ekstravagante në ngjyrë të kuqe dhe të zezë, të cilat reperja i krahasoi me stilin e një superheroi.
“Duhet të vesh diçka fantastike kur të shpëtoj New York-un,” tha ajo me humor.
Në koleksion ishte edhe një çantë vanity në ngjyrë blu me dizajn të frymëzuar nga Superman, me çmim rreth 3.575 dollarë, ndërsa blerja më e shtrenjtë ishte një çantë Burgundy Giraffe Flap, e cila në tregun e rishitjes arrin vlerën e rreth 29.500 dollarëve.
“Kam veshjen perfekte për këtë çantë, por ende nuk e di ku do ta përdor,” u shpreh artistja.
Në fund të videos, Cardi B bëri një koment që shkaktoi polemika.
“Mos u mashtroni vetëm sepse shihni këto gjëra. Unë nuk kam para. E gjitha është një iluzion,” tha ajo me shaka.
Megjithatë, shumë ndjekës nuk e pritën mirë këtë deklaratë.
“Cardi, jo tani… unë po luftoj të paguaj faturat,” shkroi një komentues.
Një tjetër ironizoi: “Nëse Cardi është pa para, atëherë çfarë jam unë?”
Komentet e tjera varionin nga kërkesa që ajo të dhuronte sendet që nuk përdor, deri te lutje për t’i ndihmuar me kreditë studentore.
Kritikat vijnë vetëm pak kohë pasi Cardi B zbuloi se turneu i saj Little Miss Drama shiti rreth 453 mijë bileta në 35 koncerte dhe gjeneroi afro 70 milionë dollarë të ardhura.
Sipas saj, rreth 35 milionë dollarë nga fondet e saj personale u përdorën për financimin e turneut.
“Jo vetëm që kujdesem për katër fëmijët e mi, por mbaj edhe një familje shumë të madhe. Dhe kur them familje, nuk e kam fjalën vetëm për prindërit e mi,” deklaroi reperja.
