Kryetari i “Shqipëria Bëhet” Adriatik Lapaj i ktheu përgjigje akuzave të Taulant Ballës për protestën, duke e krahasuar me një qen.
Lapaj publikoi në rrjetet sociale një video i fton ndjekësit “të dëgjojnë Taulantin se çfarë ka thënë” dhe pastaj shfaq një qen që leh.
Por ironia e Lapajt nuk është pritur mirë nga disa prej komentuesve që i kërkojnë të ketë më respekt për kafshët.
“Vëlla, të lutem mi respekto qentë” shkruan Skerdiani.
“Të krahasosh Taulantin, me këtë. Është rritje vlerash, për Taon” shkruan Kaso.
Ndërsa një ndjekës tjetër pyet i indinjuar: “Pse i ulni kafshet?”
Komentet në profilin e Adriatik Lapajt janë shprehje e një ndjeshmërie dhe kujdesi të shtuar për kafshët shtëpiake. Dhe nga reagimet në rrjet kuptohet se, nëse do të kishin miundësi të flisnin, të vetmet që do dilnin të fyer seriozisht nga postimi i Adriatik Lapajt nuk janë figurat politike, por vetë qentë.
