Domate, qumësht dhe lakra janë hedhur nga protestuesit në drejtim të godinës së kryeministrisë, si simbol reagimi ndaj rritjes së çmimit të TVSH-së për produktet bujësore. Po ashtu, sikurse në çdo protestë të mëparshme nuk kanë munguar shashkat, tymueset dhe boja.
Protesta e sotme është e 9-ta në radhë e organizuar nga Partia Demokratike dhe Lëvizja Socialiste për Integrim.
Në ndryshim nga protestat e mëparshme, pjesëmarrësit mbanin në duar edhe flamuj të PD-së, veç pankartave me thirrje kundër qeverisë. Përmes protestës opozita e bashkuar përsërit kërkesën e saj për largimin e kryeministrit Edi Rama, për krijimin e një qeverie tjetër tranzitore dhe për mbajtjen e zgjedhjeve të parakohshme, të ndershme dhe demokratike.
