Komisioni Qendror i Zgjedhjeve ka bërë me dije se në mbledhjen e ditës së nesërme do të shpallë listën shumëemërore, për moszgjedhjen e 8 kandidatëve për deputetë nga radhët e Partisë Demokratike dhe të Lëvizjes Socialiste për Integrim. Kandidatët që kanë refuzuar mandatin që do mund të përfitonin në funksion të plotësimit të vendeve vakante në Kuvend, janë:
-Arvit Bushati, kandidati PD-së për Qarkun e Shkodrës;
-Kristiano Koçibelli, kandidat i PD-së për Qarkun e Korçës;
-Lorenc Danaj, kandidat i PD-së për Qarkun e Vlorës;
-Shkëlqim Fortuzi, kandidat i PD-së për Qarkun e Durrësit;
-Luigj Gjergji, kandidat i PD-së për Qarkun e Lezhës;
-Klajti Reçi, kandidat i PD-së për Qarkun e e Lezhës;
-Edlira Çekrezi, kandidate e LSI-së për Qarkun e Elbasanit;
-Brunilda Paskali, kandidate e LSI-së për Qarkun e Korçës.
Mes emrave të lartlistuar, bie në sy kandidatura e Brunilda Paskalit, e cila aktualisht shërben si këshilltare e Presidentit të Republikëës, Ilir Meta. Paskali ka punuar si Zëvendës-Ministre e Zhvillimit Ekonomik, Tregtisë dhe Sipërmarrjes përgjatë intervalit dyvjetor nga tetori i 2013-s deri në gushtin e 2015-s.
