Shërbimi për Çështjet e Brendshme dhe Ankesat në Ministrinë e Brendshme ka arrestuar një inspektor të Zjarrfikëses për dhunë në familje.
Punonjësi i Zjarrëfikëses, Lorenc Hatia dhunonte vazhdimisht gruan dhe fëmijët e tij.
Ai është arrestuar në flagrancë për veprat penale të “Torturës” dhe “Dhunës në familje”.
Familjarët lajmëruan në numrin e Emergjencave 112 për akte dhune dhe më pas Inspektori u shoqërua dhe u arrestua nga SHÇBA. Për të dëmtuarit janë lëshuar urdhrat e mbrojtjes.
Dy vite më parë Hatia u quajt hero nga kryetari i Bashkisë së Tiranës, Erion Veliaj, për shkak se ishte një nga punonjësit e zjarrfikësve që mori pjesë në shpëtimin e Bibliotekës Kombëtare që u përfshi nga flakët në 16 mars 2017. Veliaj publikoi foton e tij dhe një falënderim të veçantë për të.
