Rama ka qenë dje në Apolloni ku shpalosi planin e investimeve për Qarkun e Fierit dhe premtoi përfundimin e rrugës së Semanit për të kthyer vëmendjen nga plazhi i pashfrytëzuar si dhe njoftoi përfundimin e bypass-it të Fierit për sezonin e ardhshëm veror.
Ai e ka mbajtur fjalën e tij në ambient të hapur dhe siç duket disa e kanë shfrytëzuar këtë moment për të marrë një sy gjumë nën rrezet e diellit. I tillë ka qenë edhe rasti i kreut të Kuvendit Gramoz Ruçi i cili është fotografuar duke dremitur në ato momente.
