Para se të takohet me Angela Merkelin në Berlin, Edi Rama i ka dërguar një kompliment përmes një interviste për mediat gjermane. Kryeministri shqiptar Edi Rama e krahason kancelaren gjermane me Papën, ndërsa veten e tij me një pelegrin katolik.
“Angela Merkel është një kampione evropiane. I gjithë rajoni i Ballkanit ka shumë shpresë tek ajo. Pra, është normale që çdo shef qeverie në Ballkan që shkon në Berlin të ndihet pak si pelegrin që dëshiron të takohet me Papën”, ka thënë Rama në intervistën për RND.
Më pas ka vazhduar duke folur për qëllimin e vizitës në Berlin dhe pritshmëritë për votën pro të Gjermanisë për çeljen e negociatave.
“Ne dëshirojmë të bëhemi anëtarë që sot”, tha Kryeministri i Shqipërisë për RND. Deklaratat publike që ka bërë deputeti Krichbaum para vizitës së Ramës nuk kanë qenë aq shpresëdhënëse për Shqipërinë.
