Deputeti i Lëvizjes Socialiste për Integrim, Robert Bitri duket se është një hap larg përjashtimit nga kjo forcë politike. Për të dytën herë radhazi ai kundërshton qëndrimin politik të kësaj force politike.
Dy javë më parë ai doli kundër mosbindjes civile, që ishte një vendim i kryetarit të PD-së, Lulzim Basha dhe asaj të LSI-së, Monika Kryemadhi.
Ndërsa sot, ndryshe nga opozita e cila vendosi në bllok të braktisë seancën e kuvendit pasi folën Fatmir Mediu, Monika Kryemadhi dhe Lulzim Basha, deputeti Bitri ka vendosur të qëndrojë në sallë.
Gjatë fjalës së kryeministrit Rama, deputeti Bitri është i pranishëm, i ulur në karrigen e tij.
