Kastriot Gjuzi, i akuzuar për vrasjen e Mario Majollarit në Tiranë u arrestua nga policia e Kosovës. Mësohet se Gjuzi është kapur paraditen e sotme gjatë një aksioni të policisë të Kosovës me atë të Shqipërisë.
Vrasja ndodhi pak ditë më parë në Tiranë, si hakmarrje për vrasjen që babai i Mario Majollarit kishte kryer në të shkuarën. Avni Majollari kishte ekzekutuar vëllain e Kastriot Gjuzit dhe për këtë ishte dënuar me burgim të përjetshëm.
Mario Majollari prej vitesh kërkonte azil në vendet e BE-së për t'i shpëtuar hakmarrjes, por pa sukses. Mario nuk kishte asnjë precedent penal dhe u kthye disa muaj më parë nga Suedia, pasi shteti shqiptar doli garant për jetën e tij.
