Ardhja e Saimir Tahirit në seancën e sotme të Kuvendit ka shkaktuar mjaft tensione me opozitën. Ka qenë ish-kryeministri Berisha ai që sapo e ka vënë re në sallën e Kuvendit, ka kërkuar që ai të dalë jashtë.
Ndërkohë pa më vonë Berisha i është afruar Tahirit duke e filmuar dhe duke e postuar videon live në faqen e tij në Facebook. Në këtë moment ka pasur edhe një debat mes tyre, ku Berisha është shprehur se hapjen e negociatave po e festoni me Habilajt. Ndërsa Tahiri dëgjohet t’i thotë si je çmendur kështu.
Debati i plotë mes tyre:
Berisha niset me celular në dorë: Ku është ai?
Tahiri: Sa ke rrjedh mo burrë! Sa ke rrjedh!
Berisha: Po e festoni me Habilajt! Po festoni në me Habilajt! Ja pra!
Tahiri: Pse je çmendur kështu?
Berisha: U fut si pyetje, e di ç’i bëri Edi Ramës? Po s’fole të nxora dosjen.
Tahiri: Si je çmendur kështu? Si je çmendur kështu?
Berisha: Ja ku e keni dëshminë e pengut të kryeministrit tuaj! Ja ku e keni! Dje ishte me Gaz Demin. Pyete çfarë i tha Gazit dhe Dash Pezës?
Tahiri: Si je çmendur kështu mo?
