Ish-ministri i Brendshëm Saimir Tahiri është rikthyer pas 6 muajsh në sallën e Kuvendit. Madje Tahiri jo vetëm që është rikthyer në sallën e Kuvendit, por ka regjistruar edhe emrin e tij për të folur.
Pjesëmarrja e tij në seancë i detyrohet faktit se nëse nuk vinte dhe sot, humbte mandatin si deputet. Por ndonëse pjesë e Partisë Socialiste, Tahiri ka regjistruar emrin për të folur si deputet i pavarur. Ai nuk nguroi që të fliste për gazetarët, ndërsa uroi shqiptarët për rekomandimin e KE dhe shtoi se nuk ka frikë nga hetimi.
“Suksese për rekomandimin pozitiv, unë nuk ka frikë nga hetimi”, - tha Tahiri.
