Deputeti i Partisë Demokratike, Edi Paloka deklaroi se ka vetëm një fund për Edi Ramën, fundi që parashikon populli, që sipas tij është më i tmerrshmi.
Paloka foli për gazetarët para mbledhjes së byrosë së Kuvendit ku do të merret vendimi për deputetët që u përjashtuan sot nga seanca parlamentare pas përplasjeve.
“Këto ngjarje e venë opozitën përballë një situate që mund të sjellë pasoja të pariparueshme për vendin. Do të hyj në mbledhjen e byrosë, ku dihen vendimet. Do dënojë një bastard të pafytyrë si Bushati për të mbuluar pisllëqet që kanë bërë dhe nuk dënojnë kryeministrin që ka fyer një popull të tërë. E patë sot si rrinte në parlament, ishte gati të duronte gjithçka që mos lëshojë karrigen. Kush vihet kundër popullit të tij, fundi dihet. Ka vetëm një fund për Ramën, do ta shihni shumë shpejt. Fundi që parashikon populli, është më i tmerrshmi,” - tha Paloka.
