Arbër Çekaj dyshohet se ka lidhje me eksponentë të lartë të Partisë Socialiste. Policia dhe prokuroria janë shumë pranë atyre që quhen 'peshq të mëdhenj'.
Kështu u shpreh gazetarja e "News 24", Klodiana Lala, ndërsa theksoi se ai jetonte shumicën e kohës në Gjermani, dhe atje janë ngritur dyshimet se ai është i përfshirë në trafikun e drogës.
Për të kapur Arbër Çekajn, administratori i kompanisë që porositi ngarkesën me banane ku ishin fshehur 613 kg drogë, policia ka vepruar shpejt edhe pse deri tani nuk është arritur të gjehet.
"Është vepruar shpejt nga policia për të arrestuar edhe administratorn Arbër Çekaj, biznesmen i njohur në disa fusha, në reklama apo veprimtari të ndryshme përveç tregtisë së bananeve, por deri më tani nuk kanë arritur ta gjejnë. Në banesnë e tij në Manzë nuk janë gjetur sende kompromentuese. Shumicën e kohës ai qëndronte në Gjermani. Pikërisht në Gjermani ka pasur dyshime edhe më herët se ishte i përfshirë në trafik droge, por mbeten vetëm dyshime, po ashtu ka dyshime që ka lidhje me eksponentë të lartë të mazhorancës së sotme. Polica dhe prokuroria është shumë pranë atyre që konsiderohen peshqit e mëdhenj, nuk mund të vijë një sasi e tillë pa pasur një mbështetje”,- u shpreh gazetarja.
