Kritiku dhe historiani i estetikës dhe artit, ish-drejtor në Galerinë Kombëtare të Arteve, Gëzim Qendro është ndarë nga jeta sot, pas një sëmundje të rëndë.
Lajmin e hidhur e ka njoftuar ministrja e Kulturës, Mirela Kumbaro duke shkruar në rrjetin social Facebook:
“Trishtim i madh! Vendosi të largohet sot prej nesh, pas një sëmundje të rëndë dhe shume para kohe, një nga më të mirët, më profesionistët e më të mençurit e Artit dhe të Mendjes, kritiku dhe historiani i estetikës dhe artit, drejtori që bëri kthesën në Galerinë Kombëtare të Arteve, Gezim Qendro. Le vepra shume te mira mik! Por edhe na le një boshllëk te madh njerëzor e miqësor siç vetëm fisnikët munden. Je i pazëvendësueshëm! Lamtumire!”, - shkruan Kumbaro.
