Nxehen gjakrat në parlamentin e Shqipërisë. Kreu i opozitës Lulzim Basha është ngritur me te tijët dhe ka shkuar drejt foltores së Kuvendit, aty ku po fliste Rama. Është dashur ndërhyrja e punonjësve të gardës për të neutralizuar ndonjë përplasje të mundshme. Situata është shtensionuar me largimin e Bashës pranë Edi Ramës. Më tutje e gjithë opozita ka lënë parlamentin.
Në kuvend po diskutohej në lidhje me largimet e shumta që qeveria ka bërë nga skema e ndihmës ekonomike. Ndryshe nga opozita, Rama ka deklaruar se kanë qenë qindra persona të cilët merrnin miliona lekë asistencë në mënyrë kundraligjore, por edhe pa patur asnjë problem financiar.
"Nga pikëzimi i Sali Berishës, ne kemi hequr televizorin me ngjyra, bolierin. Si të gjitha reformat, që tentuat po nuk i bëtë kurrë, kjo është një reformë që filloi në Qershor të 2014, duke u pilotuar në 3 qarqe, ku nga pilotimi rezultoi se ishin 19.700 deklarime të rreme, d.m.th. subjekte abuzive që merrnin Ndihmën ekonomike nga ju e nuk e meritonin ta kishin. Çfarë po bëjmë, kanë kaluar 2 vite nga procesi i pilotimit, dhe jemi në fazën e shtrirjes të së njëjtës skemë në të gjithë Shqipërinë. Nëse ju doni të protestoni për fluturimin nga Prrenjasi që deri në Shtator përfitonte ndihmë, dhe është pronar i një vile, vazhdoni protestoni. Nëse protestoni për gëzimin nga Kamza, pronar i kësaj vile dhe 2 makina, vazhdoni protestoni” - tha Rama.
