Shefi i Urgjencës në Shkodër, Astrit Lahi ka dhënë informacion për gjendjen shëndetësore të gruas Evisa Preka dhe vajzës së saj 10-vjecare të cilët u plagosën si pasojë e një aksidenti të rëndë të ndodhur mbrëmë në aksin rrugor Shkodër-Velipojë.
Astrit Lahi thotë se truri dhe trupi i vajzës së vogël është jashtë funksionit dhe mbahet në jetë më aparatura. Sipas tij, lajmi për vdekjen e vogëlushes ishte një nxitim i momentit nga Urgjenca e spitalit.
“Truri është jashtë funksionit edhe trupi po ashtu thotë shefi i urgjencës Astrit Lahi. Lajmi për vdekjen nga urgjenca mund të ketë qenë një nxitim i momentit. Gjendja e vajzës është në një status qe mbrëmë dhe s’ka përmirësime dhe sa me shumë që kalon koha aq me të pakta janë shanset. Rikthimi i saj në jete është thuajse i pamundur” - thotë shefi i Urgjencës.
