Qarkullimi është rënduar ndjeshëm në rrugën Përrenjas - Qafë-Thanë, pasi reshjet e dendura të dëborës kanë mbuluar komplet zonën.
Mungesa e zinxhirëve tek pjesa më e madhe e makinave që lëviznin në këtë aks vështirësoi edhe më shumë kalimin e tyre në rrugë.
'News 24' raporton se është krijuar radhë makinash në kthesat e Qafë-Thanës, deri në një kilometër.
Mësohet se policia po lejon qarkullimin vetëm të makinave të pajisura me zinxhirë.
Po kështu reshje të dendura bore janë regjistruar edhe në qytetin e Librazhdit. Nisur nga situata, paraqitet vështirësi qarkullimi për makinat ë aksin Librazhd –Përrenjas.
Policia ka ngritur postblloqe kontrolli për pajisjen e automjeteve me zinxhirë.
