Partia opozitare Demokratike e Serbisë, DSS, ka deklaruar sot se, pas dhjetë vjetësh, pohimi i saj se procesi i hyrjes së Serbisë në BE është i pandarë nga pavarësia e Kosovës, tash ka marrë edhe konfirmimin zyrtar.
Në Strategjinë e Komisionit Evropian shkruan se arritja e marrëveshjes me Kosovën është shumë urgjente, përkatësisht është e qartë se kushti për hyrje në BE është njohja e pavarësisë së Kosovës si marrëveshja për kufizim e kufij me të, thotë kumtesa e DSS-së që e transmetojnë media të Beogradit.
Në fund të kumtesës theksohet se presidenti serb Aleksandar Vuçiç ka shfaqur gatishmëri që të heqë dorë nga Kosova.
