Një aksident me pasojë vdekjen e një këmbësori është regjistruar pasditen e sotme në aksin Fushë-Krujë–Thumanë, pranë fshatit Luz. Viktima është Paulin Filopati, rreth 65 vjeç, nga Mirdita. Sipas policisë, ai është përplasur nga një automjet që drejtohej nga një 19-vjeçar, teksa po kalonte rrugën.
Përplasja ka rezultuar fatale dhe 65-vjeçari ka humbur jetën në vendngjarje. Bashkëshortja e tij, e cila ndodhej pranë tij në momentin e aksidentit, nuk është lënduar. Drejtuesi i automjetit është shoqëruar në komisariat për veprime të mëtejshme procedurale, ndërsa policia po punon për të zbardhur shkaqet dhe rrethanat e aksidentit.
