Ndërsa protesta e 27 janarit është vetëm 3 ditë larg, kryetari i Partisë Demokratike Lulzim Basha ka bërë thirrjen e radhës për qytetarët. Përmes një mesazhi në facebook dhe disa fotove, lideri i PD-së theksoi se të shtunën do të bashkohen kundër qeverisë.
“Forca e marshimit të madh popullor që do zbresë në Bulevard të shtunën më #27 janar janë njerëzit, janë kauza tyre e drejtë! Të shtunën ne do bashkohemi për hallet dhe padrejtësitë që na mundojnë çdo ditë. Do të bashkohemi për drejtësi të barabartë për të gjithë! Do të bashkohemi kundër qeverisë që ka braktisur njerëzit dhe ju shërben vetëm krimit dhe oligarkëve!” – tha Basha.
